FOTOGRAFIE

• Daar word deurentyd foto’s van die kinders geneem soos hulle aan verskillende aktiwiteite deelneem. Die foto’s word op die Parkieland webtuiste (www.parkieland.co.za) afgelaai, asook op facebook en flickr.

• Dra kennis hiervan en kom bespreek dit asseblief indien u ongemaklik is hiermee. Ons verseker u dat dit baie goed bestuur word.

Speelgoed

• Geen speelgoed mag saamgebring word nie.

• Speelgoed raak weg, breek en veroorsaak onenigheid.

• Indien van die skool se speelgoed by die huis aankom, stuur dit asseblief terug.

GESUIWERDE WATER

• Elke klas het ‘n waterstaander wat gesuiwerde water vrylik beskikbaar stel aan ons kleuters.

• Vir hierdie diens vra ons ‘n eenmalige bydrae van R130.

Medies

• Kleuters met aansteeklike siektes, wat koorsig is of kopluise het mag nie die skool bywoon nie.

• Indien u kleuter vir meer as twee dae afwesig is, moet u ons asseblief van ‘n doktersbrief voorsien.

• Kleuters wat antibiotika gebruik moet vir 2 skooldae tuis bly.

• Alle medisyne moet by die klasonderwyseres ingehandig word en in die medisyneboek aangeteken word, hoewel ons slegs medisyne in uitsonderlike gevalle wil ontvang vanweë die veiligheidsaspek met die kleuters.

• Medikasie vir allergieë, bv. bysteek moet deur u voorsien word.

• Om te verseker dat ons u in ‘n noodgeval vinnig kan opspoor, moet alle veranderings van huis-, sel-, en werktelefoonnommers so spoedig moontlik by die klasonderwyseres aangemeld word.